Kya karien ki baat ban jaaye

khwab haqeeqat ban jaaye

bin kuch kahe tarruf mein tere

zubaan-e-lafz bayaan ho jaaye,

Raat bhar neend ne diya pehra

subah bhi hai nazaro mein tera chehra

apni kismat ko kaise aazmaye

kya karien ki baat ban jaaye,

Intezaar mein aaj fir taka raasta

jahan-e-khushi gam se wabasta

nazar-e-khamoshi ko bahaar mil jaaye

kya karein ki baat ban jaaye,

Dhundhte chirag-e-mehfil deewane

jigar ke maikhaane fakt viraane

paimane-e-aarzu ko tere deedar mil jaaye

kya karein ki baat ban jaaye.

Advertisements